"ЗАЕДНО РАСТЕМЕ ИГРАМЕ И УЧИМЕ" е мотото на Јавната општинска установа за деца детска градинка "Гоце Делчев" Пробиштип. ЈОУДГ "Гоце Делчев" Пробиштип со работа започна во далечната 1974 година и низ своето 43 годишно постоење на децата им обезбедува стимулативна средина за рано учење , поттикнување на раниот детски развој и стекнување на здрави животни навики.
ЈОУДГ "Гоце Делчев" Пробиштип дејноста ја обавува во три објекти и тоа:
1. Објект Цветови со адреса на ул. "Јордан Стојанов" бр. 47/А-Пробиштип
2. Објект Срничка со адреса на ул. "Гоце Делчев" бр.13-Пробиштип
3. Објект Изворче со адресана ул. "Јане Сандански" бр.5-Злетово
Објектот "Цветови" започна со работа 1982 година и во него има 2 занимални за престој на деца на возраст од 08 до 24 месеци и 4 занимални за деца на возраст од 2-6 години Во Објектот е сместена централната кујна која го опслужува и Објектот "Срничка". Овде е сместена централна кујна , а овде работи и раководно-административната служба.
Оваа година 2016/17 во градинката беа запишани повеќе од 400 деца од кои престојуваат околу 386 деца а критериум врз кој се формираат групите е возраста на децата и во трите објекти "Цветови" и "Срничка" во Пробиштип и "Изворче" во Злетово има четири групи за деца до две години, 11 групи за деца од 2 до 6 години, една група од 6 до 10 години и една група во Центарот за ран детски развој во с. "Ратавица". Згрижувачко воспитната дејност се одвива во согласност со програмите за рано учење и развој и Интеграција на еколошката едукација во Македонскио образовен систем.
Отварањето на градинката кон семејството е основа за остварување на современите концепти и претставува битна алка во синџирот што значи воспитување. Родителите се добредојдени учесници во работилници и активности со децата а со нивната креативност ја разубавуваат градинката.
Мисијата на градинката е - Креираме безбедна и стимулативна средина, негување тимска работа, толеранција, ги почитуваме различностите и ги поттикнуваме индивидуалните можности и способности на децата а ја промовираме нашата установа во пошироката заедница.
ЈОУДГ "Гоце Делчев" Пробиштип по трет пат е добитник на највисокото признание Зелено знаме заради успешната реализацијата на еко - програмата а нашата градинка е прва деска градинка во Р Македонија која во 2014 година доби проект во вредност од 106 000 € од ИПА програмата за прекугранична соработка и успешно го реализиравме со која во објектот Цветови се изгради надворешна фасада, се заменија дотраените врати и прозори со ПВЦ а се постави и кровна изолација со која се заштедува енергија и до 40 % , а минатата година успешно го реализиравме проектот заштеда на енергија при што извршивме замена на врати и прозорци во објектот " Срничка".
Со децата работиме на проекти по програмата на МТСП и тоа:
1) Градини во детските градинки
2) Градот низ детските очи
3) Бон-тон за деца
4) Од дете за дете
5) Моја хигиена - моја навика
6) Семејството и семејните вредности
7) Рециклирање со имагинација
8) Здрави животни навики
9) Спорт и спортски активности
10) Традиционални детски игри
Визија на градинката
Ние сме установа во која интересите и потребите за правилен раст и развој на детето ќе имаат приоритет и современа установа која ќе може да се соочува со предизвиците на
21-от- век. Децата ќе ги учиме на основните вредности на животот а играта ќе биде движечка сила за поттикнување на учењето.
