Млекарата “Вардарец“ – пример за успешна бизнис приказна во општина Валандово

Млекарницата ВАРДАРЕЦ е лоцирана во југоисточниот дел на Македонија, во селото Удово. Се занимава со откуп на млеко и производство на 100 % природно сирење, кашкавал и урда. Млекарницата е успешна приказна на еден семеен бизнис кој континуирано се развива и чии производи веќе се пласираат во повеќе синџири на маркети во Македонија, како и во други помали продавници.

 

Млекарницата ВАРДАРЕЦ е во сопственост на семејството Кавазови од Удово и денес веќе има 25 години традиција. Клучот на успехот на оваа млекарница е во воспоставувањето долгорочна соработка со локалните сточари кои произведуваат млеко во исклучително чиста средина, главно со природна паша на кравите, овците и козите, а потоа квалитетното млеко се преработува со висока технологија, по највисоки стандарди. Резултатот е производство на 100 % природно сирење, кашкавал и урда, со препознатлив вкус и одличен квалитет.

 

Последната инвестиција на Млекарницата ВАРДАРЕЦ е новиот производствен погон кој се наоѓа во Индустриската зона во Јосифово. Новиот објект е веќе во фукција, во него се работи со најсовремена опрема и технологија, а капацитетот на производството е зголемен за повеќе од 400 проценти.