Агенција за регулирање на железничкиот сектор е основана 2009 година за обезбедување на транспарентно и недискриминаторно работење на управителот на инфраструктура превозниците, телата и институциите поврзани со работењето на железницата, како и други учесници кои обезбедуваат железнички услуги во железничкиот јавен превоз во Република Северна Македонија.

Агенцијата е основана како самостојно и непрофитно правно лице со јавни овластувања утврдени со Законот за железничкиот систем.

Агенцијата е надлежна: 
- за дефинирање и контрола над критериумите за квалитетот на железничките услуги дадени од превозниците и управителите на инфраструктура, 
- да врши мониторинг за почитување на правата на патниците, 
- да презема мерки за спречување на неправично и дискриминаторско однесување на управителот на инфраструктура и секој превозник или барател за доделување на инфраструктурен капацитет, 
- да презема мерки за спречување на неправично и дискриминаторско однесување меѓу два или повеќе превозника при давањето на услуги во железничкиот превоз, 
- да презема мерки за спречување на неправично и дискриминаторско применување на објавата на мрежа и рамковните договори, 
-да издава дозволи за вршење на јавен железнички превоз, дозволи за вршење превоз за сопствени потреби, дозволи за управување со железничката инфраструктура,

- да дава мислење и учествува при подготвувањето на закони, прописи и други акти што се однесуваат на железничките услуги, како и при склучувањето, односно пристапувањето на Република Северна Македонија кон меѓународни договори од областа на железниците, 
- да го набљудува железничкиот пазар со цел да ја анализира конкуренцијата меѓу различните видови на превоз, 
- да врши мониторинг на конкуренцијата на пазарот на железнички услуги, вклучувајќи го и пазарот за превоз на стока по железница.

e-mail: This email address is being protected from spambots. You need JavaScript enabled to view it.
web: www.arpz.mk