Гимназија со паралелки на економско училиште ,,Кочо Рацин" е формирано во далечната 1963г. во монтажна барака од англиски тип која е изградена како временски објект со помош на странските земји кои помогнале на изградбата на Скопје по катастрофалниот земјотрес и е лоцирано во општината Ѓорче Петров.Со реализација на мрежата за насочено образование во 1982/83г. паралелките се од текстилна и кожарска струка.Во 1994/95г. повторно се воведуваат гимназиски паралелки па до денес бројат 19 гимназиски и 12 од текстилна струка.

Планирањето за работата на училиштето е комплексно исто како и самото училиште кое претставува комплексна институција со специфичен карактер и разновидност на активностите. Затоа многу е важно навремено планирање на задолженијата, дејностите и ангажманите за да се овозможи што поквалитетна и поуспешна реализација на планираните цели и задачи. Планирање и остварување на воспитно-образовниот процес според законските одредби и прописи на МОН и БРО на Република Македонија;
- Реално поставување на задачите во согласност со севкупните капацитети на училиштето: материјални услови и човечки ресурси;
- Конкретизација на задачите и обврските на наставниците и учениците;
- Континуирана анализа на наставниот процес, преку активна соработка на стручните активи, педагошко – психолошката служба, училишниот одбор и Директорот на Училиштето.

СУГС „Браќа Миладиновци“ е средно училишта на Градот Скопје, лоцирано во атарот на Драчево, Општина Кисела Вода (ул. Бранко Заревски 110).

Како средно училиште, формирано е во 1964 година, најпрвин како гимназија за покасно да прерасне во училиште кое образува кадри од гимназиско и стручно образование (земјоделско-ветеринарна струка).

Од стручното образование застапени се следниве образовни профили:

• ветеринарен техничар;
• техничар за фармерско производство;
• техничар за хортилултура;
• техничар за агроменаџмент.

Во училиштето се образуваат околу 400 ученици, а наставата ја реализираат 65 професори. Освен наставен кадар, во училиштето се вработени уште 16 лица од административно-технички кадар.

Наставата во училиштето се изведува на два  јазика македонски и албански наставен јазик.

Училишната зграда е монтажна барака, која е донација од англиската влада за разрушеното Скопје после катастрофалниот земјодтрес.

Училиштето располага со училишна економија и мини Зоо парк кои се користат за реализација на практичната настава.

Зоо паркот располага со дваесетина видови на диви и домашни животни.

Училишната економија располага со пет хектари земјоделско земјиште на кое се одгледуваат едногодишни и повеќегодишни земјоделски култури (вишни, лозје, житни култури, градинарски култури и различни видови на цвеќе).

За обработка на земјоделското земјиште од училишната економија, училиштето располага современа земјоделска механизација ( трактори, приклучна механизација, мотокултиватори, рачен земјоделски алат и др.).