Повеќе од четири децении ова училиште е центар на креативниот воспитно-образовен систем во општината Демир Хисар. Во разни етапи од својот развој, училиштето го следи образовниот систем, дизајнирајќи при тоа, своја различност и оригиналност, а благодарение на посветеноста на наставниците и учениците.

Во изминатите четири децении настава на македонски јазик, од училниците на нашето училиште се описмениле илијадници ученици, а најголемиот број од нив се стекнале и со високо образование во државата и надвор од неа. Бројката на истакнати демирхисарски поети, уметници и научници, со познати и признати дела е забележителна, сметајќи ги тука и оние, кои излегле од нашето училиште чиј 43-годишен јубилеј го прославуваме оваа година. Признанијата за постигнатите резултати и успеси е доказ дека вработените и учениците најсовесно си ги извршувале своите задачи, а одговорните ја поттикнувале нивната работа на сите воспитно-образовни полиња.

Работно време:

Пон -Петок:07:00-16:00

Саб-Нед:не работиме