Компанијата ДООЕЛ „Митан-Пром“ - Охрид за прв пат е регистрирана на 1ви мај 1981 година. Оттогаш досега, Митан-Пром има стекнато големо искуство во градежната оператива, со посебен акцент на полето на конзерваторските и реставраторските зафати во Македонија и на просторот на поранешните југословенски републики: Црна Гора, Хрватска и Словенија.

Она што најмногу го карактеризира Митан-Пром е високиот квалитет во градежните изведби, кој доаѓа од познавањето на сите градежни техники, а посебно на тие кои се од: санациска, конзерваторска и реставраторска природа. Компанијата ги става во пракса најдобрите современи техники и методи од високо и ниско градба.

Митан-Пром е компанија која е лиценцирана со „А“ лиценца за изведувач на градби и која е стандардизирана според системите за управување со квалитетот ISO 9001.