MkMap
Почетна :: Сите локации на едно место
Општина Боговиње се протега во северозападниот дел на Република Северна Македонија, помеѓу 41°52` и 41°59` СГШ и 20°45` и 20°59` ИГД, и зафаќа површина од 143,44 км2. На север се граничи со Општина Тетово, на исток со Општина Брвеница, на југ со Општина Врапчиште, додека на запад се граничи со Република Косово. По прогласувањето на планината Шар за национален парк, географската положба на општината станува една од најсилните страни на општината, бидејќи ќе се создадат услови да се создаде место со повеќе можности за развој на руралниот и планинскиот туризам.
Општина Боговиње е главно рурална општина. Вкупниот број на населени места во општината е 16 и тоа се: Боговиње, Пирок, Раковец, Селце Кеч, Жеровјане, Камењане, Јеловјане, Горно и Долно Палчиште, Горно Седларце, Синичане, Урвич, Новак, Чифлик, Калник и Ново Село. Од овие населени места, 8 се наоѓаат во планинскиот дел на општината, поточно во Шар Планина, а другите во долниот.
Според последниот попис на населението од 2021 година, во општина Боговиње живеат 22.906 жители на површина од 143,44 км², со густина на населеност од 160 жители/км², што е на ниво на густина на населеност во Полошкиот регион.
e-mail: This email address is being protected from spambots. You need JavaScript enabled to view it.
