АД Грозд постои над 60 години и ја продолжува традицијата на печење на Струмичка Мастика позната повеќе од 300 години.

Водечки производ во палетата на АД Грозд Струмица е познатата Струмичка Мастика која е природен алкохолен пијалок произведен од исклучиво природна суровина – најквалитетен вински дестилат од македонското поднебје и природно анасоново семе кое содржи етерични масла кои ја даваат единствената арома на Мастиката.

Квалитетот и оргиналноста на Струмичката Мастика се потврдува со многубројните награди и признанија добиени на домашни и странски саеми и дегустации. Од палетата на безалкохолните пијалоци се издвојува Струмката која со специфичната крушкова арома е еден од ретките безалкохолни пијалоци кој не е сличен со другите.

Доста барани на пазарот се другите безалкохолни пијалоци: Липо, Битер и Блек Џек Кола. Високиот квалитет и убавината на безалкохолните пијалоци на АД Грозд Струмица се должи на природниот, чист и сопствен извор на вода кој го користи АД Грозд Струмица. Најнов производ е природната изворска вода Бела, газирана и негазирана која се полни од овој извор во модерна фабрика која ги задоволува сите стандарди.

Стремеж на менаџментот на АД Грозд Струмица е традиционално високиот квалитет на производите да биде најдобар со што овозможува влегување на пазарите ширум Европската Унија и надвор од неа. За тоа секако придонесуваат Сертификатите ISO 22000:2005 и ISO 14001:2004.

 

АД Грозд Струмица поголемиот дел од своето производство го пласира на странските пазари каде има континуиран извоз а домашниот пазар е во целост снабден со сите производи на АД ГРОЗД Струмица.