Kомпанија Атанасовски ДОО Илинден, е основана за приоритетна дејност – производство, дистрибуција и трговија со месо и производи од месо. Почетоците се со скромни производствени капацитети и помали количини, но од година во година производството забележува постојан подем. Малите производни капацитети и потребата за зголемено производство на свинско месо, ја предизвика компанијата да размислува за проширување и инвестирање во оваа област.

Така во 2013 година компанијата инвестира во нов капацитет – Фарма за одгледување на свињи – ВИНИ ФАРМА ДОО Илинден, со капацитет од 20.000 гоеници годишно, лоцирана во еколошки здрава животна средина во с.Пекљани, Виница.

Производите кои ги нуди Компанијата од сопствениот  асортиман, а кои содржат свинско месо, се изработени исклучиво од свежо свинско месо, од свињи кои се колат два пати седмично, и се дистрибуираат до крајните корисници секојдневно со сопствени возила специјализирани за дистрибуција на месо. Во целокупниот процес од одгледување на свињите до обработка и дистрибуција на месота строго се води сметка за исполнување на стандардите за биолошката и хемиска безбедност на месото, контрола на квалитетот, хигиена и санитација, имплементација на стандарди за квалитетна и безбедна храна, преку што се придонесува во одржување на нивото на квалитетен живот на потрошувачите. 

Покрај сопствената месарница ,,Компанија Атанасовски,, лоцирана на ул.9 бр.43 во н.Илинден, Компанијата врши дистрибуција и снабдување со свежо месо и производи од месо на голем број месарници и угостителски објекти низ целата држава.